هموم المواطن أزمة في الدراسات العليا ومن ضمنها المعدل
أزمة في الدراسات العليا ومن ضمنها المعدل
08-22-1433 03:39 AM
القبول في الدراسات العليا محصور ..الحاصلين على الأمتياز والجيد جدا فقط ؟ إلى متى ونحن في أزمة في الدراسات العليا ماجستير ودكتوراه في كل جامعات المملكة نناشد والدنا خادم الحرمين الشريفين من منبر صحيفة عاجل أننا يا والدنا الغالي : نتقدم ومعنا مئات المتقدمين والسبب إن المعدل المطلوب لا يقل عن جيد جيدا ... طيب الذين حصلوا على المعدلات المنخفضة لا يلزم أنهم لم يكونوا أذكياء كزملاهم ، يحتمل أن الطالب أنه من أذكى الطلاب ولكن بسبب الظروف المأسوية التي تمر بها بعض الأسر أثناء الدراسة فيتسبب ذلك في انعكاس على هولاء الأبرياء ومن ثم يأتي إلى الدراسة وليس لديه رغبة ، ومن ثم يتخرج ويجد تلك العقبات في طريقة فنرجو من جميع المسؤلين وعلى رأسهم وزير التعليم العالي أن يناقشوا وضعنا الذي نعاني منه من عشرات السنين والسلام عليكم ورحمة الله وبركاته
هكذا نحن دائما نسير فى الدائرة الضيقة وهل هذا الحصر قصد به المصلحة العامة لا اعتقد ومن الممكن ان يكون تقدير جيد افضل بكثير من الممتاز لاختلاف العقول ومقدار التحصيل المكتنز فلربما ان اصحاب الجيد افضل بكثير من الممتاز ولكن الظروف ربما تكون قد حالت دون حصولهم على الامتيازية وهذا يحصل كثير انظرو الى نتائج القياس والفارق بينه وبين المحصل من درجات الامتحان وماذ احدث من الحرمان لبعض الطلاب من تحقيق امنيته ورغباته كثير وكثير لذا ارجو ترك المجال للجميع فلا زلنا بحاجة الى ابناء الوطن وبتلك الطريقة تكونو سببا فى التاخر بالاكتفاء الذاتى من ابناء الوطن
لا والحين عدموا الدنيا باختبار القدرات للجامعيين والانجليزي يعني أعطونا إحساس انه يأتيني من كثر الدكاترة في البلد صاروا يشتغلوا سواقين والله جامعتنا مليئة بالأجانب ليش ما يتعلموا شبابنا ويليهم يدرسوا وخيرنا رائح لغيرنا حتى كنت حاضر حديث لدكتور أجنبي قال لازم ما يقبلوا الطلاب دراات عليا الا بعد ما يمتحنوهم امتحانات عديدة صعبة قمت رديت عليه وقلت له وبهذاي الطريقة تكون انت جالس هنا على طول والله والله أصبح عدد كبير من الدكاترة الأجانب الا من رحم الله يعطي الطلبة درجات حتى يجلس فترة أطول شوفوا احصائيات النتائج الثلاثة أرباع متفوقين والسبب لكي يجلس فترة أطول يا ليت تنتبهوا لهذه النقطة
اشكرك على طرح هذه الموضوع واتمنى ان يطرح بشكل اوسع ولي تعليق ..........
هناك لائحه تنص على ( على ان لايقيل لدرسات العليا الا من يكون تقديره جيد جدا اذا كانت الجامعه تمنحه بتقدير) وهذ يعني ان الجامعه الي تخرج طلابه بدون تقدير مثل مايحدث بالجامعات البريطانيه ولامريكيه لاتشمل هذه الائحه لان ليس له تقدير علما بامن معدله بالحقيقه قد يكون جيد كيف ؟؟ الجامعات البريطانيه مثلا لاتخرج الطالب الا اذا كان معدله C وهذا يعني انه جيد
اليس هذا الظلم ؟؟؟؟؟؟؟؟ ارجو من الله ثم من خادم الحرمين الرئيس الاعلى للجامعات السعوديه ان ينظر لحل هذه المشكله التي حرمت الكثير من ابناء هذا الوطن ان يكملو دراساتهم العليا
حفظ الله وطني وحفظ الله قيادته وامنه وشعبه
انا معدلي ممتاز و قدمت مرتيييييين ولم يتم قبولي والسبب لعدم وجود الواسطه. .. افتحو المجال للجميييييع لا وضايف ولا شي خلونا ندرس ننشغل فيها نستفييييد من وقتنا. . جامعة القصييييم للاسف تعتمد ع الواسطه اكثر من المعدل. . بس ربك يعيييين كلن مسئول ومحاسب ع عمله. .. وانا مارح اسامح من كان السبب في عدم قبولي. ...
السلام عليكم نريد يا جماعة من ينظر إلى هذا الموضوع بجدية نريد من يرحمنا من جميع هذه الشروط أنا متخر جة من مرحلة الماجستير بمعدل 5 وإلى الان لم اكمل دكتوراة وإذا جبت قبول من الجامعة فلن توافق جهة العمل لماذا في هذه البلد لا يريدون أن يطوروا الموظف لا أعلم يريدونه جامد في مكانه وما أخفي على الجميع جعلونا لا نعطي أكثر مما نستطيع لأنهم حطمونا صراحة الرجاء انظروا لجميع هذه الشروط التي تحطم فقط
والأمر واقف على المعدل ؟
الأمر واقف على كلمة ( عمادة القبول للدراسات العليا وش يبون ؟ )
أغلب الشباب اللي ضاقت بهم الوسيعه سنين وهم ماإستقروا بوظيفه من كثرة الغرابيل اللي يشوفونها والمشاكل وكلمة ( عاطل ) اللي خلتهم يكرهون أنفسهم ، حبوا يقدمون ويحافظون على أنفسهم من هالوقت اللي ماعاد أحد مرتاح فيه كله مشاكل وغرابيل مافيها شي إذا كانت الدراسات العليا في عمر كبير ومعدل أقل من جيد جدا بقليل . إفتحوا الفرصه للجميع .
اللي قاعدين نشوفه شي يغث ويقهر ، دراسة وش المشكلة ؟ الشباب قالوا لكم وظيفة وإلا دراهم ؟ دراسة والكثير من ( الدكاترة وليس الكل ) يعتقد إن حرف ( د ) صعبه ماهي صعبه ولاشي .
على هونكم بس وإفتحوا القبول لاتقفلون الأبواب بوجيه الشباب خلوهم يكملون منها يبعد عن جو الفراغ اللي بعض المسؤولين جابوه لهم ومنها يحقق طموحه ومنها يطور نفسه لعله يلقى وظيفه ، وياخوفنا مستقبلا تكون شهادة الدكتوراه مثلها مثل أي شهاده وراح يجي الوقت وبعدها من شروط أي وظيفه ( أن تكون عالم ومخترع ) عشان تكمل .
نجي للإبتعاث الخارجي : سؤال :
الإبعاث الخارجي اللي على حساب الدولة وضع للشباب الغير مقتدر وإلا للشباب المقتدر ؟
الإبعاث الخارجي وضع لبعض الأسماء وللبرستيج يعني إني دكتور ومايشوف الناس بطرف عين ، وإلا
لزيادة الخبرات وزيادة الكوادر التعليمية المتخصصه الذي يعود على مخرجات التعليم علما ؟
اللي نشوفه الحين إن فيه شباب قادرين على الدراسه على حسابهم ويداحمون الشباب المساكين على الحصول على منحه للإبعاث ، ياأخي إنفض مخبات أبوك ورح إدرس على حسابك وخل الشباب يشوفون فرصتهم . ولعبت الواسطات بأبوجدنا لعب . تعرف دكاترة أمورك صارت عزيزه زانت الأوراق وسافر عمر كبير ينتصلح معدل أقل من المطلوب ماشي نمشيها وياليل ماأطولك ياللي ودك تكمل ماجستير.
الدراسات العليا عندنا مصعبينها واجد وهي كلها حضور محاضرات وبحث والمسأله بسيطه إجتهد وذاكر وتآخذ أبو أبو جد الماجستير من كثره !!!!!! .
ياكثر مانشوف من صار دكتور وقرب يتقاعد ماشفنا منه ولا مطويه ماهو كتاب مطويه ، بيده الشنطه ومرحبا يادكتور وصباح الخير يادكتور وينه عند روحه . دكتور ماله مؤلفات بالمكتبات ماهو دكتور هذا ( كوخ ) . والله من ( كوخ وكوخ ) درسنا بالجامعه وإذا مشى بالأسياب ناقصه شوشه بس ونقول له صباح الخير يادكتور أينيشتين . كل الأمر شنطه وبه قلمين فولوماستر ودفتر التحضير أرزاااااااااااااااااق أقول .
لكن بعض الدكاتره حطه على يمناك مجتهد ومثري مكتبة جامعته بالمؤلفات ولو سألت عنه قالوا هذا بنى نفسه بنفسه أموره الماديه زمان كانت ضعيفه وإجتهد وعز نفسه ورفع راس والديه ودائما تشوف الطلاب يحترمونه مع زود محبه .
أما شنطه و ( طرق طرق طرق طرق طرق ) بهالكشخه والجزمه الجديده . وإذا دخل المحاضره ( قفش ) كاسيت فاضي ماكسل الأصفر القديم ماتسمع منه إلا وشوشه وكلام عامي وماعمره دخل المكتبه يقرأ .
هذا حال دراساتنا العليا أصبحت محسوبيات وواسطات . وشروط خلت شبابنا محبط على أساس المعدل والمعدل الللللللللللللللللللللللللللللللللللللللللله يرحمك ياشيخ محمد بن صالح العثيمين لو تجمع كل دكاترة الكشخه والبرستيج اللي درسوا برا وداخل ماجو ربع علمه . المسأله ماهي معدل المسأله إفتح الفرصه وشف طموح شبابنا كيف يبدع إذا أخذ الفرصه . وماهو دليل المعدل
وكلام كاتب المقال صحيح يمكن لضروف معينه لم يأتي بالنسبه المطلوبه والأكيد عند طلبه إكمال الدراسات العليا قد تختلف الأمور من مستوى تحصيلي علمي معين إلى مستوى تحصيلي علمي أفضل .
على هونكم ياعمادة القبول في الدراسات العليا العلم مايختزل بعمر معين ولامعدل تحددونه أنتم ، الشباب يبي يدرس وش ( محرق رزكم ) والله ماأدري . أول مره أشوف جامعات يقولون الدراسه بعد عمر الـ 35 سنه ماتصلح . وحتى لو كان المعدل أقل من جيد يعطى الفرصه وبعدها تفلسفوا علينا . أنا لازلت أحاول بجامعات خليجية لإكمال دراساتي العليا هي واقفه عليكم وبشروطكم ؟
وبالعنادأبحاول وأحاول لو يصير عمري 80 سنه أوالله البلشه حتى الدراسه لأ . هذا يصلح لك وهذا مايصلح . حقيقة ماعندكم سالفه .
حافز 35 سنه لأ . ديوان الخدمة 35 لأ . جدارة 35 سنه لأ . دعم مشاريع الشباب 35 سنه لأ . قطاع خاص 35 سنه لأ . وزود عليها حسن المظهر وإفهم يافهيم . دراسات عليا 35 سنه لأ . الحمدلله إنهم ماإلتفتوا لدور المسنين وقالوا 35 سنه لأ . كل شي 35 سنه واللي يحط هالشروط ميلاده عام الفيل . الحمدلله إني تعديت هالعمر بكثير لأني كرهت رقم 35 . الظاهر إني إذا صرت شايب وجيت أقول سالفه لعيال عيالي أبقول : تصدقون ياعيالي جيت أبقدم على حافز سنة الـ 35 . صارت مثل سنة الطاعون . ( خلوا الناس تدرس ماتبي منكم لاوظائف ولا دراهم ) ياعمادة القبول للماجستير.
المعدل ليس مقياس للذكا ممكن اللي معدله مقبول افضل من الممتاز ولكن لظروف واجهته وقت الدراسه وهو متميز ليش مايفتحون المجال للجميع مثل مملكة الأردن مثلآ ويستفيدون من الاموال التي تصرف خارج السعوديه من الطلبه المتدنيه معدلاتهم ً ونحن نناشد خادم الحرمين وولي عهده وكل مسؤول التدخل لأنها معانات الطلبه الطموحين للحصول علي اعلي الشهادات ويفيدون البلد ,
والله ياعالم همي مثل همكم بالظبط ليه مانرفع برقيه للملك ليه مانخلي صوتنا واحد ونهدم التعسف وفيه من الماجستير من تخرجوا بجيد فاليه مانضم صوتنا في مكان واضح وليس بهنا ...
15 | 
0 | 
4338