ما لنا بعد الله الا انتم يا ادارة صحيفة عاجل " تخصصنا حاسب الالي تربوي ومعدين بالقياس "
لكن ما نزلو احتياج للحاسب
مع العلم يا ادارة عاجل ان تخصص الحاسب فيه نقص مدرسين كثير بالمرحلة الثانوية وكثير من مدرسين الحاسب يكملون بمدارس ثانية .
وزيادة على كذا فتحوا بالمتوسط حاسب اول متوسط قبل العام والثاني بالسنه الى راحت والثالث السنه الحالية
يعني النقص بكون اكثر واكثر
الله يرحم والديكم
الله يرحم والديكم
الله يرحم والديكم
يا ادارة عاجل ما لنا بعد الله الأ انتم
نريد حقنا نريد التعين ..
قسم بالله اتحطمنا امس يوم نزل الاحتياج
الله يوفقكم انشرو موضوعنا واتصلوا بالمسؤلين شوفو لنا حل
انتم سندنا بعد الله ياعاجل
اخوكم أحمد الشمري
بضيف على معاناتك معاناتي أخ أحمد والظاهر مالنا إلا نشكي لبعض والشكوى لله وحده
أنا تخرجت العام الترم الثاني بتاريخ ( 18/6/1432 هـ )
المفاضلة صارت بـ 5/6/1432هـ يعني بعدها ب 13 يوم
مادخلونا بالمفاضلة الإن مفاضلتهم حقت السنة ذي بتصير ب شهر رمضان ؟!
يعني لعب على الناس ما تخافون الله مفاضلاتكم ب مزاجكم أنا جالس لي سنه كامله ، وزملائي اللي تخرجوا قبلي ب ترم شملهم الأمر الملكي وجتهم علاوة سنه الله يوفقهم وأنا مع إن دراستي نظامي وتخرجت ب أربع سنوات أجلس سنة من يتحملها زملائي الإجازه هذي أعرسوا وأنا حاط يدي على خدي / الله لايسامحكم ولا يجزاكم خير حسبي الله ونعم الوكيل فيكم
قلتوا ما تعينون الإ تجتازون القياس الإن بينتهي موعد القياس وحنأ ننتظر
حسبي الله عليك ي وزير التعاميم والتعليم وحسبي الله على كل من تسبب بهالتأخير والتلاعب
حرام اللي قاعد يصير كل التخصصات نزل لهااحتياج الا الحاسب
الى متى والوضع كذا يا عالم الحاسب هو المستقبل
بس عندنا عقليات ما يقدرون هالماده ويظنون انه الحاسب انترنت وبرنامج وورد !! ويقولون الحاسب ممارسه ايه ممارسه اذا اتصفح انترنت والا تدردش لكن وين هندسة الحاسب وين البرمجه وين تحليل النظم وين التصميم وين أمن المعلومات لا تقولون هذي ممارسه بعد !!
والله من الدجة عندنا الأمور ماشية بالبركة وإلا الحاسب الأ لي تخصص عظيم في جميع دول العالم أماعندنا في السعودية فلا زلنا بدو أقحاح إهتممامناينصب بإقامة مهرجانات الإبل والخيول,أما إهتمامنابالتقنية والتطورفلم نصل له بعد , وهذا هوسبب تأخرنا عن الدول الناشئة رغم أقدميتنا ورغم مواردنا المالية المهولة واقتصادناالقوي ,,
السلام عليكم ورحمة الله وبركاته
نداااااااااااء من مواطن سعودي متخرج حاسب الي تربوي من كلية المعلمين بالرس
وحطمتنا الوزارة لما سمعت الاحتياج صفر كيف والحاسب نازل بالمتوسطه وثالث متوسط هالسنه وفيه احتياج لان بعض المدارس بحاجه طيب ليه ما ينزلونه في الابتدائيه اخاف لما ينزلونه في الابتدائيه يقولون الاحتياج صفر والله حرام اخسر من عمري اربع سنوات بالكليه واخر شي احصل مالي تعين ما عندي مشكله لو احذ سنه او سنتين نبغي ان الوزاره تبلغنا ان لنا تعيين مو ندرس اربع سنوات وبعدين نقعد بالبيت اربع سنوات او اكثر .
والله حرام يا وزاره لان ما تحسون فينا طيب قفلوا اي قسم ماله تعين وريحوا الشباب لان حرام تفتحون تخصص وماله تعيين ارجو من الله ثم الملك ان ينظر في امرنا ومن عااجل ارجوا ان تنقل الرساله والله اني تحطمت لما سمعت ان الاحتياج صفر للحاسب طيب وش ذمبنا ادااااري لا اريد الا تدريس لان طموحي تدريس واخرشي الوزارة تحطم معنوياتنا في الشهر الفضيل وحاطين اختبار قياس بالوزاره ما يحصلو بكل اختبار نفس الدرجه لان كفايات المعلمين يعتمد علي الحظ ويمكن بعضهم ناجحين بالاختبار وما لهم تعيين والله حرام عليكم يا وزاره حسبي الله ونعم الوكيل عليكم
اخوكم فهد الخلوي نيابة عن اخواني خريجين الحاسب من كلية المعلمين
5 | 
0 | 
3444